Larunbat goizeko 10:00etatik 13:30era eginen da azienda eta produktuen erakusketa, Toki-Ona kiroldegiaren aitzineko zabaldegian. Sagardoa dastatzeko aukera ere izanen da. Ondotik bazkaria izanen dute Rikardo Baroja eskolako jangelan eta 17:00etan mahai-ingurua leku berean, baserriaren egoera eta etorkizunaren inguruan. Mikel Altzuart nekazari baztandarra (Arizkungo Dutarimuno arraultze ekologikoak), Berako Nabasturengo Gabriel Errandonea (haragi eta barazki ekologikoak) eta Idiazabalgo Jatorrizko Izendapenaren erregulartasunaren saria hameka aldiz irabazia duen Sunbillako Lizun gasnategiko Arkaitz Vicente ariko dira hizlari.
