Emakumezkoetan, 2015eko lehenengo hiru sailkatuak etorriko dira: Laura Sola, Alizia Olazabal eta Aitziber Ibarbia. Azken bi ediziotan Laura Sola, bi ordutik jausten den lehen emakumea izatetik oso gelditu zen. Aurten 40 emakume baino gehiagok eman du izena, probako errekorra, eta Berako 5 emakumek hartuko dute parte, arrakasta borobiltzeko.
Korrikalari popularrak izanen dira protagonistak aurten ere, izan ere, eskuragarri jartzen diren 525 dortsalak bi ordutan agortu ziren. 21 kilometrotako ibibideak ez du aldakearik izanen eta punturik interesgarriena Larun tontorrean izanen du, punturik altuenean 900 metrotara.
Bezperan herri kirolak
Probaren aurrekari bezala, bezperan Herri Kirolak izango dira Toki Ona kiroldegi kanpokaldean. Festibala larunbat arratsaldeko 5etan hasiko da haurrentzako froga ezberdinekin (txingak, korrika, zaku lasterketak e.a.). 18:00etan Xabier Ariztegi eta Estitxu Almandoz harrijasotzaileek hiru harri ezberdin altxatuko dituzte. Ondoren, herriko bi talde mixtok, froga konbinatua egingo dute, hala nola koxkor biltzea, zaku lasterketa, aizkora, trontza eta lasterka. Azkenik froga herrikoi bat egongo da ikusle guztiei irekitako eta irabazleentzat sari bereziak izanen dira.
