Lezearen oroimena mintzaldi zikloaren barrenean, Gauenaren Nazioarteko gaua ospatzeko gaualdi berezia izanen dute uztailaren 28an, ortziralean, 19:30ean hasita Sarako lezean. Ingurumen Naturalen Kontserbatorioa (CEN) elkarteko kideek ugaztun ttiki honen aurkezpena eginen dute frantsesez eta ondotik, sarrerako ataripean gauenarak adituko dituzte batbox tresnari esker. Azkenik, usaian bezala, aperitifa eskainiko dute gaualdia lagun giroan bururatzeko.
Arropa egokia hartzea eskatu dute eta eguraldi txarra egiten badu, saguzarrak entzutearen ordez, truke-denbora edo solasaldi bat izanen dute. Gaualdia urririk eta denei irekia izanen da, izena emanez (kopuru mugatua).
Agorrilaren 11n txangoa
Agorrilaren 11n, CPIE Euskal Itsas bazterreko Imanol Amestoik gidatutako txangoa eginen dute leze inguruan, 09:00etan abiatuta.