erran.eus

Arrakastatsua suertatu da Sarako lehen kabalkada

  Kultura  Xareta  Sara

Urriaren 9an, igande arratsaldean Sarako plazak jendez gainezka egin zuen, Zazpiak Bat dantza taldeak bultzaturiko emanaldia ikusteko

Urriaren 9an, igande arratsaldean plazan saratarrek kabalkada arrakastatsua eman dute.  Sarako plaza, emanaldia hasi baino oren erdi bat lehenagotik gainezka. Hiru orduko emanaldi gustagarria eskaini zuten Zazpiak Bat taldeko 54 dantzarik, 19 antzerkilarik, 23 kantarik, 9 musikarik, 4 zaldizkok eta bi bertsolarik, bertze hainbat laguntzaileren lanari esker.

Arrakastatsua suertatu da Sarako lehen kabalkada
Sarako plaza jendez gainezka, lehen aldiz emandako Kabalkada ikusten. | Ikusi handiago | Argazki originala

 

Egitarauari dagokionez, Desfilean, Mutxikoak (Bolant dantza eta ainhoarrak) eman dituzte; antzerkian, lehen auzia eta kantua; Gabota eta Mutxikoak (azkaindarrak) dantzatu zituzten; antzerkian, bigarren auzia eta bertsuak;  Makil Ttiki eta Mutxikoak (saratarrak) dantzatu zituzten; antzerkian, hirugarren auzia eta bertsuak; scotish eta bigarren kontradantza eta deliberoaren ondotik, Fandangoa eta Arin Arina, azken kantuarekin bukatzeko. Ellande Alfaroren hitzek dioten bezala:

Hau da gure Kabalkada

Eta aunitz kabal bada

Zimino, apez, urrezerri!!

Gure esku da Sara!

 

Proiektu hori Zazpiak Bat taldeak bultzaturik gauzatu da, 2011ko Oroitzapenetik bidaiarat ikusgarriaren ildoa segituz.

Dantza errepikak 2015eko urrian hasi ziren eta antzerkia berantago maiatza inguruan. Ikusgarrian kabalkadako ohiturazko dantzak ikusi dira: mutxiko, kadriak, gabota, fandango, arin arina eta makil ttiki.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa