Herriz herriko datuak kontuan hartuz, Saran Battit Laborde herritarraren independenteak taldea izan da bozkatuena, eta bigarrena EH Bai. Senperen UMP izan da bozkatuena eta EH Bai eta Laborderen independenteak taldea bigarren eta hirugarren gelditu dira, hurrenez hurren. Azkainen ere UMPk lortu du bozik gehien, eta EH Baik gero. Fronte Nazionala izan da hirugarren indarra.
Aipatzekoa da, hiru herrietan abstentzioa altua izan dela. Saran erroldan izena emana zuten 1 961 hautesleetatik 932 abstenitu egin dira, hau da, %47,53koa izan da abstentzioa. Senperen 4 503 hautesleetatik 2 148k abstenitu dira, hau da, %47,70ekoa izan da abstentzioa. Azkainen ere altua izan da abstentzioa: erroldan izena emandako 3 471 hautesleetatik 1 509 abstenitu egin dira, hau da, %43,47.