2014 urte huntan bi gauza harrigarri bizi ditugu herri mailan. Lehenbizikoa urte hasieran izan zen, Herriko Etxean banderak zintzilikatu behar izatearekin (sekulan ikusia ez ginuena), niorek konprenitzen ez duen lege batengatik. Eta orain, irailean, bigarren harridura: zortzi herritarrek sekulako isuna jaso dute (450 euro bakoitzak), igande eguerdi batez , plazan, ostatuko atean aperitifa hartzen ari ziren momentuan, hogei lagun baino gehiago elkartzeagatik. Hau ere kanore gutti duen lege baten ondorioz. Bi kasuetan lege betetze kontuak dira, eta kitto, baina penagarria da legeak nola aplikatzen diren: hain zorrotz batzuendako, eta hain malgu bertze batzuendako.