Ados Pilota elkartearen eskuz binakako pilota txapelketako hiru jardunaldi jokatu dituzte Korrikarekin bat egin duen asteburu honetan eta finalerdietako protagonista izanen diren bikoteak erabaki dira. Eskualdeko pilotariei dagokienez, Leitzako Iturriagak eta Zabaletak lortu dute finalerdietarako txartela.
Otxandion ostiralean jokatutako lehen mailako partidan, Goiuri Zabaleta leitzarrak eta Zabalak 22-20 irabazi zieten Ruiz de Infanteri eta Galeanori.
Larunbatean Tafallan jokatutako jaialdiko lehen partidan, Ruiz de Infantek eta Galeanok 22-5 irabazi zieten Barrokal eta Agirreri eta Iturriaga leitzarrak eta Orbegozok 22-20 irabazi zieten Arrietari eta Mujikari
Igandean Azkoitian jokatutako jaialdiko lehen partidan, Barrokalek eta Agirreren ordez aritu zen Irantzu Etxebestek 22-14 irabazi zieten eta Etxekolonea zubietarrari eta Mendibururi. Goiuri Zabaleta leitzarrak eta Zabalaren ordez aritu zen Oskozek 22-14 irabazi zieten Arrietari eta Mujikari.
Finalerdiak apirilaren 7an Iruñean eta apirilaren 13an Biarritzen
42 partidako lehen fasearen ondotik, beraz, erabakiak gelditu dira Ados piota elkartearen eskuz binakako txapelketaren finalerdiak. Apirilaren 7an, Iruñeko Labriten, Goiuri Zabaleta leitzarra eta Zabala, Ruiz de Infante eta Galeanoren kontra ariko dira eta apirilaren 13an Biarritzeko Plaza Berrin, Iturriaga leitzarra eta Orbegozo, Barrokal eta Agirreren kontra.