563 langabetu zeuden urte hondarrean Doneztebeko enplegu bulegoan

Azaroan baino 24 gehiago dira, baina urtebete lehenago baino 65 guttiago

563 langabetu zeuden Doneztebeko Enplegu Bulegoan  izena emana abendu hondarrean. Azaroan baino 24 gehiago dira, baina urtebete lehenago, 2022ko abenduan baino 65 guttiago. Azken hemezortzi urteetako abenduetako langabetu kopururik ttikiena da.

Zerbitzuen arloan izan da igoerarik handiena, 20 langabetu gehiago baitira arlo horretan (421). Industria arloan ere langabetu bat gehiago zegoen abendu hondarrean (82) eta eraikuntza arloan hiru langabetu gehiago (23). Nekazaritza-abeltzaintza arloan ere langabetu bat gehiago zegoen (14), eta aitzinetik lanik egin gabekoen artean, aldiz, langabetu bat guttiago (23). Ondoko koadroan herriz herriko datuak eta urtez urteko konparazioa ikus dezakezue.