Baztan-Bidasoa-Xareta aldeko sei proiektu diruz lagunduko ditu Cedernak

Ttipi-Ttapa 2017ko mai. 12a, 14:07
Narbarteko enpresa batek, Europako abentura parkeen araudi berrira egokitzeko laguntza jasoko du.

Bera, Baztan, Urdazubi eta Zubietako udalek ez ezik, Narbarte eta Doneztebeko bi enpresa pribatuk jasoko dute subentzioa

2017-2018 aldirako Cederna-Garalur erakundeak prestatu duen Garapen Programaren baitan Baztan-Bidasoa-Xareta aldeko sei egitasmok dirulaguntza jasoko dute. Denera ia 200.000 euro jasoko dute lau udalek eta bi enpresa pribatuk.

 

Berako Udalak 19.175,80 euroko dirulaguntza jasoko du bero-sarea zabaltzeko. Udalaren inbertsio osoa 27.394 eurokoa izanen da.

Baztango Balleko Etxeak 25.410 euroko dirulaguntza jasoko du Baztan markaren promoziorako. Denera, 36.300 euroko inbertsioa aurreikusia dago proiektu honetarako.

Urdazubiko Udalak 22.063,50 euroko dirulaguntza jasoko du, udal eraikin bat gizarte jardueretarako ekipatzeko. Denetara, 31.519,29 euroko aurrekontua izanen dute egitasmo honetarako.

Narbarteko inbertsore pribatu batek 46.128,60 euroko laguntza jasoko du, Europako abentura parkeen araudi berrira egokitzeko 153.762 euroko inbertsioan laguntzeko.

Zubietako Udalak 33.909,91 euroko laguntza jasoko du Uraren Ibilbiderako eta Doneztebeko bertze enpresa pribatu batek 50.000 euroko laguntza izanen du hotel baterako.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun