Nafarroako Emakumezkoen Ingude Altxatze Txapelketan lau emakume aritu ziren, minutu eta erdian 9 kiloko ingudeari ahalik eta altxaldi gehien emateko. Iturengo Maika Ariztegi erraz nagusitu zen, 92 altxaldirekin. Iruñeko Eider Lopez bigarren izan zen (80 altxaldi), Iruñeko Edurne Gonzalez hirugarren (77 altxaldi) eta Beintza-Labaiengo Irune Izkue laugarren (72 altxaldi).
Nafarroako Gizonezkoen Ingude Altxatze Txapelketan sei gizaseme aritu ziren, minutu eta erdian 18 kiloko ingudeari ahalik eta altxaldi gehien emanez. Hemen lehia estuagoa izan zen altxaldi bakarrarengatik nagusitu zen Josetxo Urrutia. 84 altxaldi egin zituen leitzarrak eta 83 Berriozarko Imanol Martinek. Gibelerago gelditu ziren Irurtzungo Jon Irañeta (75 altxaldi), Iruñeko Albaro Zugarrondo (73 altxaldi), Iruñeko Alejandro Fernandez (72 altxaldi) eta Guadalajaratik etorritako Angel Albarran (65 altxaldi).
XVIII. San Fermin Motozerra Saria ere jokatu zen. Motozerrarekin bi irudi egin behar zituzten partehartzaileek eta horrela gelditu zen sailkapena:
Txapelduna: Peio Kañamares
Bigarrena: Juan Asin
Hirugarrena: Mikel Lasarte
Laugarrena: Alain Salvador
Gelditzen dena Iruñeko Sanferminetan
UZTAILAK 13
• Kañamares anaien erakustaldia (Zerratokia eta aitzurrarekin egurra moztea)
• Emakumezkoen aizkora erakustaldia bikoteka
Parte hartzaileak:
- Maika Ariztegi (Ituren) eta Irune Izkue (Beintza Labaien)
- Itxaso Onsalo (Areso) eta Nerea Sorondo (Bera)
- Alazne Etxaburua (Tolosa) eta Leire Astiazaran (Amasa)
Egin beharreko lana: Bikote bakoitzak 45 ontzako lau enbor moztu.
• San Fermin Sokatira Torneo Mistoa 4x4
Parte hartzaileak: Berriozar “a”, Berriozar “b”, Txantrea, Kaskallueta
Talde bakoitzaren gehienezko pisua: 280 Kilo
UZTAILAK 14
• Nafarroako Gizonezkoen TxingaTxapelketa
Parte hartzaileak: Miguel Angel Sukuntza (Leitza), Albaro Zugarrondo (Iruña), Alejandro Fernandez (Iruña), Iñaki Ibero (Irurtzun), Jon Irañeta (Irurtzun).
Egin beharreko lana: Esku banatan 50 kiloko txingekin ahalik eta plaza gehien egin (plaza=28m).
• Motozerra erakustaldia
Parte hartzailea: Mikel Lasarte
Egin beharreko lana: Motozerrarekin egurrezko irudiak.
• Lasto Altxatze eta Lasto Botatze erakustaldia (Jon Lapazaran)