Horrela, bazkide bakoitzari, berak nahi dituen bazkide-lagun txartelak emanen dizkiete, bere inguruko jendeari emateko. Txartel hauekin, bazkide ez direnek ere bazkideek dituzten abantaila guztiak izanen dituzte: bertako produktuen azoka, produktu ekologikoen azoka herritarra eta bidean suertatzen diren ikastaro edo ekintzak. Behin uda pasata, lagun horiek proiektuan sinistu eta bazkidetu nahi badira, sarrera-kuota doan lortzeko aukera izanen dute. Bazkide-lagun txartelak banatzen dituzten bazkideek saski bikain baten zozketan parte hartuko dute eta horretaz gain, Bidazi egitasmoaren berri zabaltzen ere lagunduko dute. Informazio gehiagorako, jo azokara, idatzi info@bidazi.org edo galdetu Bidaziren facebookan.