Ondorioz, Elkarrizanen programa aberastu egin da. Astelehenero Berako Zahar Etxekoekin egiten duten paseoaz gain, asteartetan Lesakako Zahar Etxeko bizilagunekin egiten dute paseoa, ortzegunetan Uxaneko bizilagunekin musika jotzen dute eta ondotik Berako Zahar Etxekoekin euskal kantak abesten dituzte.
Horretaz gain, aipatu behar da udan, baztertze arriskuan dauden familietako haurrei eskola laguntza eskaintzen dietela, etorkinei zuzendutako gaztelera ikastaroa, medikura edo ospitalera joateko laguntza, etxeetan ere laguntza edo jubilotekara eta gestioak egitera joateko garraio zerbitzua ere ematen dute boluntarioek.
Eta ateak idekiak dauden boluntario berriak bereganatzeko, horretarako 948 635 036 deitu edo ssb@lesaka.eus idatz daiteke.