Basaizea Kultur Batasunak argi azaldu zuen egun honen xedea: «Izpegiren bi magaletan dantzatzen eta kantatzen duen herria garela aldarrikatzeko. Euskarak batzen gaituela erakusteko. Sustraiak sakon lurrean, eta ametsak hegan haizean, etorkizuna elgarrekin eraiki nahi dugula erraiteko».
Egun osoan ziganteak, dantzariak, txarangak, txalapartariak, bertsolariak eta hainbat musika talde izan ziren eremu ezberdinetan. Eta giro bikaina, nola ez
Basaizeatik azaldu dutenez, «gure herrian separatista deitu gaituzte. Baina gu ez gira separatistak! Alderantziz. Unionistak gara gu! Gure herria batua nahi dugu! Nafarroa bi zatitan bereixtearen kontra gira. Euskaldunak bi estatutan separatzea ez dugu onartzen. Hemen norbait separatista izatekoz, hori nahi dutenak dira».
