Adina eta sexuari dagokionez, 25 urtez goitiko gizasemeen artean 400 lagun daude langabezian, otsailean baino 51 guttiago. Adin tarte horretako emakumeen artean, 51 guttiago daude langabezian, 490. 25 urtez beheitiko gizasemeen artean otsailean baino 9 guttiago daude langabezian, 43 lagun denera. Adin tarte horretako emakume gazteen artean ere otsailean baino 8 langabetu guttiago daude, 36 denera.
Zerbitzuen arloak segitzen du langabe gehien izaten, baina martxoan 94 guttiago ditu, 779tik 685era pasatuz. Industria arloan ere 14 langabetu guttiago daude, 137 denera. Eraikuntzan ere 3 langabetu guttiago daude, 76. Nekazaritzan, 3 lagun guttiago daude lanik gabe, 22 denera, eta aitzinetik lanik egin ez dutenen artean 49 lagun daude langabezian, otsailean baino 5 guttiago.
Datu ezkor moduan, aipatzekoa da langabetuen artean gehiago direla langabezi-prestaziorik kobratzen ez dutenak (%55,83) kobratzen dutenak baino (%44,17).