Gizakunde Eguna ospatuko dute ilbeltzaren 23an Erratzun

Ttipi-Ttapa 2016ko urt. 21a, 08:04
Afaldu baino lehen Jantzilo epaitu eta, hala erabakitzen bada, erre eginen dute.

Arratsean etxez etxe ibili ondotik, Jantzilo epaituko, eta hala erabakitzen bada, erreko dute

Ilbeltzaren 23an Gizakunde Eguna ospatuko dute Erratzuko Kultur elkarteak antolatuta. Larunbat arraseko 8etan kanposantutik abiatuko da ibilbidea eta Erratzun barna, etxez etxeko eskea eginen dute. Geldialdietan sagardantza eta mozorrodantzak eskainiko dituzte. Afaldu baino lehen Jantziloren epaiketa eta erretzea eginen dute, horrela erabakitzen bada. Bertsolariak ere ariko dira. 22:00etan afaria ixanen da Etxelebertzeko txokoan eta ondotik animaleko besta.

 

Aipatzekoa da bi aste aitzinetik mozorro eta dantzen tailerrak eginak dituztela Erratzun.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun