Kultur taldeak, kirol taldeak, komertziante taldeak, guraso elkarteak, gazte taldeak… deitu ditu udalak hitzordu horretara. Agendaren nondik norakoa aurkeztuko da eta norbanako eta talde guztien ekarpenak jasoko ditu udalak. Ondoren, hilabeteko plangintza adostu eta koordinatuko da. Agenda barrenean zinea, kirol jarduerak, feriak, ospakizunak, antzerkiak, bertso emanaldiak, musika emanaldiak, ipuin kontaketak, ikastaroak… bilduko dira. Agenda zabaltzeko eta herritarrengana ailegatzeko sare sozialaz gain, kartelak baita esku-paperak edo biorrikoak prestatuko dira, hilabetero etxe guztietara ailegatzeko.
Udala sare sozialetan
Herritarrekiko hurbiltasuna areagotu nahian eta Herriko Etxearen jardueraren gardentasuna bultzatzeko asmotan udalak sare sozialetako presentzia indartu du. Facebooken: http://m.facebook.com/doneztebekoudala. Twitter: @doneztebeudala. Gmail: doneztebekoudala@gmail.com. Horretaz gain, udalak duen web orrian hobekuntzak egiten ari dira eraginkorrago eta dinamikoagoa egiteko. Epe motzean .eus dominiora ere aldatuko da.