Ezusterik handiena, beharbada, Donato Larretxea finaletik kanpo gelditzea izan da, seigarren izan baitzen. Bezperan, Herrialdeen arteko herri kirol txapelketan parte hartu zuen Elizondon eta beharbada horrek indarrak kendu zizkion. Julen Lañamares zazpigarren izan zen, Mieltxo Mindegia zubietarra zortzigarren eta Oihan Larretxea beratarra bederatzigarren. Beraz, hasiera batean Mindegiak eta Larretxea gazteak maila galduko dute. Dena den, Mieltxo Mindegiak Ander Erasunen aurkako jautsiera kanporaketa eskatzeko aukera izanen du.
Bortz enbor moztu zituzten: Bi kanaerdiko, bi 60 ontzako eta oinbiko bat. Denborarik onena Nazabalek egin zuen (14:33), bigarrena Vicentek (15:27), hirugarrena Lopezek (15:41), laugarrena Rekondok (16:03) eta bosgarrena Saralegik (16:26)
Nafarroako bigarren mailako arpana txapelketa Baztanera
Aizkora kanporaketaz gain, Nafarroako bigarren mailako arpana txapelketa ere jokatu da igandean Uharteko jaialdian.
Lau bikotek hartu dute parte: Josu Zuñiga (Txantrea) eta Lander Landiribar (Amaiur); Raul Maiza eta Jose Luis Cano (Berriozar); Andoni Irigoien (Aniz) eta Guillermo Etxenike (Irurita) eta Ekaitz Maritorena (Berroeta) eta Eneko Irigoien (Aniz). Bikote bakoitzak etzanda jarritako 45 ontzako enborrean 10 epai eta zutik jarritako 45 ontzako enborrean lau epai egin zituen. Andoni Irigoin eta Guillermo Etxenike suertatu ziren txapeldun eta hortaz, lehen mailara igoko dira.