Ortziral arratseko txupinazoaren ondotik, Estitxu Elgorriagak gidatutako trikitilari eta panderojole taldea ibili zen kalejiran. Bien bitartean, tortilla lehiaketara zortzi aurkeztu zituzten eta horien artean, Montse Fontan eta Libe Igoa ama-alabena suertatu zen garaile. Txamukos mariatxi taldearen emanaldia ere bikaina izan zen.
Larunbat goizean, erraldoi eta buruhandien konpartsak egin zuen bere ibilbidea, baina Bittiriko plazan egin behar zen herri kirol apustu sorpresa bertan behera utzi behar izan zuten.
Igandean, haurrentzako jokoak, mus txapelketa eta magia ikuskizunak izan ziren.