Uztailean 918 kontratu egin ziren Doneztebeko Enplegu Bulegoaren bitartez, aspaldiko gehiena, baina horietatik 46 bakarrik izan ziren mugagabeak, aunitz uda parteko lanak direla nabarmenduz.
25 urtetik goitiko gizasemeetan bakarrik egin du beheiti
Adina eta sexuari dagokionez, 25 urtez goitiko gizasemeen artean 417 lagun daude langabezian, ekainean baino 12 guttiago. Adin tarte horretako emakumeen artean, aldiz, ekainean baino 7 langabetu gehiago daude, 492. 25 urtez beheitiko gizasemeen artean ere ekainean baino langabetu bat gehiago dago, 39 denera, eta adin tarte horretako emakumeen artean 2 langabetu gehiago daude, 33 denera.
Zerbitzuen arloa da langabetu gehien duena eta uztailean 2 gehiago ditu gainera (682). Industrian ere ekainean baino 3 langabetu gehiago daude, 126 denera. Eraikuntzan, aldiz, ekainean baino 2 langabetu guttiago daude, 90. Nekazaritzan ekainean baino langabetu bat gehiago dago, 25 denera, eta aitzinetik lanik egin ez dutenen artean ere 58 lagun daude langabezian, ekainean baino 6 guttiago.