Parte-hartzaile bakoitzak, gehienez, 5 argazki aurkez ditzake. Argazkiarekin batera adierazi beharko dira:
Egilearen izen-abizenak eta herria.
Harremanetarako telefonoa.
Argazkiaren azalpena: Non eta noiz aterata dagoen. Argazkiko gaiak iradokitako esaldiren bat ere idatz daiteke.
Argazkiak bidaltzeko epea: uztailaren 28tik irailaren 10era (biak barne).
Argazkiak erran.eus webgunean lehiaketarako atondutako formularioaren bidez bidaliko dira.
Argazkiek gehienez 5 MB izan beharko dute.
Argazki guztiak erran.eus-eko argazki galeria baten egonen dira ikusgai.
TTIPI-TTAPA zabaltzen den eremuan sortu edo bizi den orok parte-hartu ahal izanen du.
16 urtetik goitikoek parte-hartu ahal izanen dute.
Bertze inon argitaragabeak izanen dira argazkiok.
Argazkiak koloretan zein zuri-beltzean izan daitezke.
Argazkiak originalak izan beharko dira.
Udako argazkiak izanen dira.
Irabazleak zein diren urriaren 1ean jakinaraziko dugu ttipi-ttapa aldizkarian, Xorroxin Irratian eta erran.eus webgunean.
Bi sari egonen dira: bat ERRAN.EUSeko erabiltzaileek aukeratutakoa; eta bertzea, epaimahai batek aukeratutakoa.
Lehenbiziko saria, Isabako TXAPATERA apartamentuan 2 gau 6 lagunentzat izanen da, goi-denboraldian izan ezik.
Bigarren saria, Berako Zalain jatetxean 4 lagunentzako otordua da.
Horretaz gain, parte-hartzen dutenen artean, IRRISARRI LANDerako 2 sarrera bikoitz berezi zozketatuko dira (bi pertsonentzat bina sarrera berezi).
ERRAN.EUS bidezko bozketa irailaren 11n hasiko da, argazki guztiak jasota daudenean; eta irailaren 20a bitarte egonen da bozkatzeko aukera.
Argazkiak ERRAN.EUS artxiboan gordeko dira eta antolatzaileak beretzat gordeko du jasotako lanak publikatzeko eskubidea. Lehiaketa honetako parte-hartzaileak, bidalitako lanen jabe den neurrian, lanak erabiltzen eta jendeaurrean erreproduzitzen uzten dio TTIPI-TTAPAri, euskarri inprimatuan edo interneten, betiere, egilearen izena adieraziz.