Lehenik, azken batzarreko akta irakurri, eta hala balitz, onartu eginen da. Ondotik, karrika izendegi berriaren harira, Baztango Udalak eskaturik, Ziga Margolariaren Plazaren eta Coral de Elizondo-Elizondoko Abesbatzaren Plazaren izenak onartu, aurtengo Txokotoko bestetako data jarri edo Merkatuko Plazako gorapeko bi banku kentzeko proposamena aztertuko dituzte. Modu berean, Elizondoko hiru ikastetxeek elkarrekin kudeatzeko baratze bat eskatu diote Herriko Etxeari ekimen batek eta horren inguruko informazioa emateaz gain, nola erantzun erabakiko da. Amaiurko Gaztelua karrika eta Diputazio Etorbidearen artean dagoen parkea auzolanean moldatzeko talde edo komisio bat sortu nahi da eta Baztango udal talde berriari Iriarte frontoia estaltzeko eta Plazako kioskoa moldatzeko elkarlanerako deia ere eginen dute, galdera eta eskaeren txandaren aitzinetik.