Gaur goizean hasi dituzte ospakizunak astero liburutegian egiten duten haur txokoarekin. 12:30ean berriz, 30. urteurreneko besta egitekoa zuten San Miguel ikastetxeko lehen hezkuntzako haurrekin zineman.
Bihar, asteazkena, izanen dute jarraipena ekitaldiek. Goizean ipuin kontaketa izanen dute haurrekin. 09:30ean hiru urtekoak haurrak elkartuko dira, 10:30ean lau urtekoak, eta 11:30ean bortz urtekoak. Saio guztietan Haizea Loira ariko da kontaketak egiten. Arratsaldean, berriz, 18:30ean zortzi eta hamar urte arteko haurrentzako altxorraren bila jokoa eginen dute liburutegian.
Ortzegunean, hilaren 25ean, emakume idazleen testuen irakurketa eginen dute 18:30ean musikak lagunduta. Liburutegian elkartuko dira eta bertako irakurle taldeak antolatu du.
Heldu den astelehenean bukatuko dituzte urteurrenerako antolatutako ekitaldiak. 18:30ean Vino eleberriaz arituko dira Luisa Etxenike liburuaren idazlea bertan dela.