Iruñeko alde zaharreko hamargarren erremonte txapelketako seigarren jardunaldia jokatu zuten martxoaren 22an, ortziralean Labrit pilotalekuan. Hil ala biziko partida zen eta Eloy Otxandorena doneztebarrak eta Aimar Saldias oiztarrak 27-35 irabazi zieten Xanti Uterga doneztebarrari eta Barricarti. Honela, apirilaren 5ean Matxin III.aren eta Otanoren kontrako finalerdia jokatzeko txartela eskuratu zuten. Finalean zain daude Zeberio II.a eta Ion.
Ortziraleko jaialdiko lehen partidan, Jon Sagaseta iruritarrak eta Markel Leatxe donamariarra 30-16 irabazi zieten Xuban Iturregi iruritarrari eta Baztani.