Iruñeko Alde Zaharreko erremonte profesionaleko hamargarren txapelketako hirugarren jardunaldiko partida jokatu zuten ortzegun arratsaldean Iruñeko Labrit pilotalekuan Eloy Otxandorena doneztebarrak eta Aimar Saldias oiztarrak, Zeberio II.aren eta Ionen kontra. Bikote beteranoa gailendu zitzaion Malerrekakoari 35-25.
Azken markagailuak erakusten duena baino partida berdinduagoa izan zen, batez ere lehenengo erdian. Malerrekak bikotea aitzinetik ere ibili zen lehen erdian, baita bizpahiru tantoko aldearekin ere (8-10, 9-11, 11-14, 12-15), baina hamaseinako berdinketaren ondotik gorriek agindu zuten (22-16, 24-17, 28-20, 33-21, 33-25 eta 33-25). Aitzineko koadroetan lehia estua izan zuten Zeberio II.ak eta Otxandorenak eta hemeretzina tanto egin zituzten.
Jaialdiko lehen partidan, Jon Sagaseta iruritarra eta eta David Mitxeo doneztebarrak 30-21 irabazi zieten Xuban Iturregi iruritarrari eta Markel Leatxe donamariarrari.