Kategoria bakoitzean lehenbiziko saria eskuratzen dutenek 120 euro irabaziko dituzte, bigarren saria lortzen dutenek 70 euro eta hirugarren saria irabazten dutenek 50 euro. 13:30ean izanen da sari banaketa. Horiekin batera, Malerrekako eskulangileen postuak (10-12 postu) eta abere erakusketa ere ez dira faltako.
Jakoba Errekondoren hitzaldia larunbatean
Maiatzaren 6an, Jakoba Errekondoren gomendioak entzuteko aukera izanen dugu bertze behin ere. Iaz, Bizi baratzea liburuaren aurkezpena egitera etorri zen eta oraingoan, herri baratzeak bisitatu eta bertan, tailer bat eskainiko du. Egindako lana ikustearekin batera, aholkuak ere emanen ditu. Larunbat goizeko 11etan hasiko da tailerra, doakoa izanen da eta interesa duen edonork parte hartu dezake, ez da beharrezkoa herri baratzea izatea. Tailer honekin herri baratzeei bertze bultzada bat eman nahi die Udalak.