Musikoterapia tailerra eta autodefentsa ikastaroa prest Donezteben

Ttipi-Ttapa 2017ko mar. 14a, 16:07
Martxoaren 25ean eskainiko du Emagin elkarteak autodefentsa ikastaroa kiroldegian.

Haizea Loira adituak eskainiko du musikoterapia lau ortziralez eta Emagin elkarteak autodefentsakoa hilaren 25ean

Musikoterapia tailerra antolatu du Doneztebeki Udalak eta Haizea Loira musikoterapian adituak eskainiko du. Autodefentsa ikastaroa Malerrekako Gazte Asanbladak eta Mankomunitateko Prebentzio batzordeak elkarlanean antolatua da. Emagin elkarteak eskainiko du.

Emakumeentzat Musikoterapia tailerrean emakume izatean sakontzeko aukerak eskaini nahi da. Martxoaren 17, 24, 31n eta apirilaren 7an burutuko da, gaueko 8etatik 9:30era. Apuntatzeko alkatetza@doneztebe.eus helbidera idatzi behar da edo 659379917 telefonora deitu behar da (Leire Ortuoste). Tailerraren prezioa 10 eurokoa da.

Tailer honen xedea, emakumea osatzen duten aspektuetan mia­tzea da, esperientzia musikalen bidez autoezagutza eta norbere potentziala garatzea bul­tzatuz, norberaren emozioekin eta besteenekin topatzea ahalbidetuz eta jabekuntza prozesua sustatuz.

Musika, irudi eta dantzaz baliatuta, pen­tsamendu eta kezka desberdinen miaketa eta adieraztea eragingo da, hauekiko norberak eskura dituen aukerak zabaldu asmoz. Helburu nagusiak, ingurune ziur batean ezagutzea, askatasunez adierazteko gune bat edukitzea, entzuna izatea, norbere konfiantza indartzea eta musikarekin zein bes­te pertsonekin eratutako harremanen bidez norbere buruaz jabetzen ja­rraitzea da.

 

Autodefentsa tailerra

Martxoaren 25ean, kiroldegian goizeko 9etatik 15etara burutuko da. 6 orduko ikastaro honetan arlo psikologikoa eta teknikoa landuko dira.  Apuntatzeko Malerrekako Mankomunitatera deitu behar da, (948 451746 telefonora). Ikastaroa dohainik eskainiko da.

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun