Elgorriagako bainuetxean hartua zuten ostatu Kawasaki Vulcan elkarteko kideek eta larunbatean Zubieta bisitatu zuten
Larunbatean, irailaren 10ean, estatu mailako Kawasaki Vulcan elkarteetako kideek Zubieta bisitatu zuten. Hiru eguneko elkarteratzea antolatu dute eta Elgorriagako bainuetxean hartua zuten ostatu. Urtero toki ezberdin batean antolatzen dute elkarteratzea eta bertako txokoak bisitatzen dituzte beraien motoekin. Larunbatean Zubieta bisitatu zuten eta estalpean bazkaldu zuten 115 lagunek.
Moto ikusgarriak ikusi zituzten Zubietako plazan eta batzuk probatzeko aukera ere izan zuten. Extremadura, Tarragona, Katalunia, Gipuzkoa, Nafarroa... estatuko toki guztietatik etorritako motozaleak izan dira bertan eta Zubietako lau joaldunek ongi etorria ere egin zieten. Ikusmin handia sortu zuten joaldunek motozaleen artean eta txato artean agurtu zituzten.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
