Aurreko urteetan bezalaxe, Suro auzotik abiatuko dute buelta 08:30ean. Izer eta Alabier trikitilarien laguntzaz, auzoz auzo ibiliko dira: Surotik Arranbidera joanen dira gero, Benta Berri zeharkatuko dute segidan, Beheko Herri ondoren, eta azkenik, herrian bukatuko dute puxka bilketa. Bukaera arratsaldeko 3ak aldera izanen da; orduan joanen dira denak soziedadera bazkaltzera. Bertan bazkaldu ahal izateko, Kontsejun eman behar da izena, lehenbailehen.
Gauean, festarekin jarraitzeko aukera izanen dute aranoarrek, soziedadean egingo duten herri afarian.