Leitzako Udalak, oraingoan ere, hainbat herritarrek egindako deiei eta salaketei esker izan du honen berri. «Apirilean herria okupatu zutenean egin genuen moduan, gaur ere Espainiako indar militarren arduragabekeria eta probokazioa» salatu nahi izan du Leitzako Udalak.
Espainiako ejertzitoaren presentzia militarra handia izan da gainera: dozenaka militar ongi armatuta oinez, kamioiak eta beste ibilgailu ugari. «Beste behin ere, Leitzatik eta Euskal Herritik joateko exijitzen diogu Espainiako ejertzitoari. Hemen ez dute tokirik euren gerra-jolasek. Gainera, egun Euskal Herrian bizi dugun egoera politikoan ez dago inondik inora justifikatuta euren presentzia militarra», adierazi du Leitzako Udalak prentsa ohar bidez.