Garesti ordaindu, kotxea hartu eta alde egin nuen, gasolindegikoarekin haserre. Zera pentsatu nuen: «Zer uste duzu etorkinak gustuz etortzen direla? Zure atta ez al zen Extremaduratik etorri Lesakako fabrikarat lanera? Nork zaintzen du zure ama?». Eta, handik guttira, neure buruarekin haserretu nintzen: «Urde mottela, zergatik ez diozu deus erran?».
Geroztik, arantzatxoa gelditu zait. Halakoetan, pentsatzea ez da aski izaten, desadostasuna adierazi behar da, bertzenaz, nahi gabe bada ere, gure isiltasunak halako ideiak indartzen ditu.