Duela aste batzuk bukatu zen eskuz binakako pilota txapelketaren ondotik, Lesakako Arkupe pilotazale elkarteak lau eta erdiaren barreneko eskuz banakako pilota txapelketa antolatu du lehen aldiz, Benito Tainta zenaren oroimenez. Lau kategoriatan jokatuko dute: 2009 urtetik honat jaiotako neskak, mutiko gaztetxoak (2008-2009), mutil gazteak (2006-2007) eta gizonezko nagusiak. Martxoaren 31 arte eman daiteke izena.
Kategoria bakoitzean 32 pilotari onartuko dituzte gehienez eta kanporaketa moduan jokatuko da. Apirilaren 21ean hasita, neskak, gaztetxoak eta gazteak igande goizetan ariko dira Lesakako, Sunbillako eta Doneztebeko pilotalekuetan eta gizonezko nagusiak ortzegunetan Lesakako pilotalekuan. Finalak uztailaren 9an jokatuko dituzte, Lesakako sanferminetan.
Izena martxoaren 31 bitarte eman daiteke, joseluistainta@gmail.com edo salaae@gmail.com helbide elektronikoetan. Izen-emate orrian telefonoaren zenbakia eta posta elektroniko helbide bat jarri behar da.