Martxoaren 19an, euskararen egoerari buruzko saioa antolatu du Bortzirietako Euskara Mankomunitateak Lesakan, urtarrilaren 25ean Beran egin zutenaren segida. Mankomunitatean txostena prestatu dute euskararen egoerari buruz eta eskuratu dituzten azkeneko datuekin azken 20 urte hauetako joera zein izan den azalduko dute martxoaren 19an, asteartean 19:00etan Lesakako Herriko Etxean.
Honako gai hauek landuko dituzte:
- Demografia datuak.
- Euskararen ezagutza.
- Euskarazko irakaskuntza.
- Helduen euskalduntze-alfabetatzea.
- Euskararen erabilera.
Datuak aurkezteaz gain, bertaratzen direnekin gogoeta egiteko asmoa dute, euskararen egoera eta erronka nagusiei buruz.