Otsailaren 24an eta 29an egitekoak dira landaketa-lanak Gardelkopagoeta inguruan. Larunbat honetan 09:00etan izanen dute hitzordua plazan eta Gardelkopagoetako eremua garbitzera, piketeak sartzera eta zerrakurak egitera joanen dira. Prozesu guztia ikus dezaten larunbat honetako saiora hurbiltzeko animatu nahi ditu Beti Gaztek haur eta gurasoak. Egin beharreko lanaren ondotik hamaiketakoa izanen da bertaratutako guztientzat.
Otsailaren 29an ere, datorren ortzegunean 09:00etan abiatuko dira haurrak ikastetxeetatik eta arbolak landatuko dituzte. Dena den, arbol landaketan lagundu nahi dutenak 08:00etan agertu beharko dira plazara.