Kudeatzeko gero eta zailagoa den lurraren zaindariak dira baso jabeak eta guztiz beharrezkoa da horregatik baso eta tokiko jendearentzat bertze aukerak bilatzea, haien etorkizun fisikoa, izaki eta gizartearen bilakaera honen esku baitago.
Egitaraua
Egitarauari dagokionez, ortziralean 16:00etatik 16:15era, Fermin Olabek, Nafarroako Gobernuko Mendi Zerbitzuko zuzendariak, hasiera emanen dio jardunaldiari. 16.15etik 16:35era baso kudeaketa iraunkorra, erabilera bateragarriak eta basoberritzeak gaien inguruan ariko da Iñigo Villanueva, Nafarroako Gobernuko baso kudeatzailea. 16:35etik 16:55era, Jose Luis Etxegarai Lesakako alkateak ‘Errealitatea Bidasoan, basogintza toki erakundeen baliabide eta mendi kotserbaziorako. Hitzarmenak’ solasaldia eskainiko du. 16:55etik 17:15era, Basarteako Enrique Monterok ‘Insignis pinua Bidasoan azken 10 urtetan, garatutako proposamen eta ekintzak, etorkizuneko aukerak’ solasaldia eskainiko du. Hogei minutuko atsedenaldiaren ondotik, 17:35etik 17:55era Maderas Larretako Santos Casajusek basojabe eta ustiatzailearen ikuspuntua eskainiko du, 17:55etik 18:15era, Maderas Irigoyeneko Alberto Irigoyenek tokiko industriaren ikuspuntua eta 18:15etik 18:35era Madergiako Oscar Landak nazioarteko industriaren ikuspuntua. Jardunaldia bukatzeko, 18:35etik 19:15era eztabaidaren tartea irekiko da. Foresna-Zurgaiako Juan Miguel Villarroel izanen da moderatzailea.
