Frantziako ikasleek gazteleraz eskaini zuten alzheimerrari buruzko antzezlan hunkigarria. Ondotik, bertze saioetan bezala, ikusleek luzatutako galderak erantzun zituzten.
Aste honetan Berako Lehen Hezkuntzako antzezleak
Aste honetan Berako antzezle ttikien txanda izanen da.
Maiatzaren 18an, ortzegunean, Ricardo Baroja eskolako LH6ko ikasleek ‘Gerra’ eskainiko dute 10:00etan eta Labiaga ikastolako LH5eko ikasleek ‘Hemen gaude: handiñimiñoak’
Maiatzaren 19an, ortziralean, 10:00etan ‘Harrera’ antzezlana eskainiko dute Jesusen Bihotzako 4 eta 5. Mailako ikasleek. 12:00etan ‘Non daude arrainak?’ taularatuko dute Ricardo Barojako LH2ko ikasleek.
Emanaldi hauek ikastetxeetako ikasleei zuzendua izanen da eta sartzeko euro bana kobratuko da, baina arratsaldez, bai ortzegunean (18), baita ortziralean (19) ere, ateak zabalik eskainiko dituzte emanaldiak, 18:00etan hasita. Hemen 2 euro kobratuko dute. Bietan, ‘Hemen gaude: handinimiñoak’ eta ‘Harrera ‘ eskainiko dituzte Labiaga eta Jesusen Bihotzako ikasleek.
