Traktorea nagusitu zaio idi-pareari Berako II. Azienda Feriako apustuan

Ttipi-Ttapa/Xorroxin 2017ko mai. 2a, 08:57
Idi pareak ezin izan zuen traktorea menperatu, Berako azienda feria egunean.

Aziendak ez ezik, inguruko ekoizleen postuak ere izan ziren eta hiru antxume zozketatu zituzten 

Berako II. Azienda erakusketa feria ospatu zen apirilaren 29an. Aurtengoan bertako arrazen erakusketa ere izan zen:  pottokak, betizuak, sasi ardiak eta euskal xerria, gainerako aziendarekin batean. Eguraldia lagun jendea bildu zen Toki Ona kiroldegi ingurura. Traktorearen eta idi-parearen arteko apustua ere jokatu zen, ordu laurden batean zeinek plaza gehiago egin, eta traktorea nagusitu zen.

 

Azienda erakusketarekin batean inguruko ekoizleek ere jarri zituzten postuak, hala nola: barazkiak, ogia, gasna, haragia....  hauekin batean joan den urtean bezala Berako baserrietako gasna eta sagardoa probatzeko aukera izan zen.  Hiru antxume ere zozketatu zituzten.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun