erran.eus

Oier Ariznabarretak eta Maria Zorrozak irabazi dute Berako XIII. Mendi Maratoi Erdian

  Kirola  Bortziriak  Bera

Laugarren garaipena segidan lortu zuen Durangokoak eta estreinekoa Gernikako emakumeak

Oier Ariznabarreta (Durango), 1:44:05eko denborarekin, eta Maria Zorroza (Gernika) 2:02:10-ekoarekin, irabazle suertatu ziren apirilaren 9an Berako XIII. Mendi Maratoi Erdian. Ariznabarretak ez zuen arazorik izan gizonezkoetan irabazteko, Beñat Katarainen  (Zegama) eta Jon Ugalderen (Andoain) aurretik hurrenez hurren, Larun mendia punturik altuena zuen (900 metro) eta 2700 metrotako desnibela zeukan 21 kilometrotako ibilbide gogorrean.

Oier Ariznabarretak eta Maria Zorrozak irabazi dute Berako XIII. Mendi Maratoi Erdian
Gizonezko eta emakumezko seniorren podiumak. | Ikusi handiago | Argazki originala

 

Irabazleak ezin izan zuen berak 2014n ezarri zuen errekorra hobetu, 1 ordu, 37 minutu eta 30 segundukoa. Ibardingo tarteko helmugan ere (150 euroko saria) Durangoko korrikalaria izan zen lehena.

Emakumezkoetan, lehenengoz Maria Zorroza (Gernika) izan da Berako kiroldegiko helmugara iristen bizkorrena, Laura Sola uzta­rrozta­rraren (azken 3 ediziotako irabazlea) eta Alizia Olazabal irunda­rraren aurretik.

547 korrikalarik parte hartu zuten lasterketan, haietatik 530 iritsi ziren helmugara. Jende aunitz hurbildu zen, bero izugarri batekin jokatu zen lasterketaz disfrutatzera. Dena den ez zen aparteko ezustekorik egon.

Isabako Txapatera Landetxean asteburua pasatzeko zozketako boleto saritua 147a izan da.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa