Igandea izaten da egun handia Lesakan, baina larunbatean ere hasten dira lehen mozorroak ikusten. Iaz bezala, Buruztanka gaztetxean bazkaria ere antolatu dute 14:30ean. 13:00etan abiatuko dira poteoan Arranotik eta 19:00etan Elutxa txaranga abiatuko da Arranotik. Gau partean giroa segurtatua dago.
Otsailaren 26an, igandean goiz-arratsaldez Goitarrak baserriz-baserri ibiliko dira. 17:00ak aldera Zakozar ttikiak abiatuko dira karrikaz karrika ibilaldia egitera eta ondoren Zakozar haundiak aterako dira Musika Bandaren laguntzarekin. 18:00etan hasita dantzaldia izanen da plazan.
Otsailaren 27an, astelehenean goiz-arratsaldez Fraindarrak eta Goitarrak baserriz-baserri ibiliko dira. Goiz-eguerdian Orgak ibiliko dira plaza inguruan eta arratsaldean dantzaldia izanen da plazan.
Honenbertzez bukatuko dira inauteriak lesakar gehienentzat, baina oraindik Fraindarrak goiz-arratsaldez baserriz baserri ibiliko dira.