Umeak B
Iratzoki Anaiak (Bera) 18 – Aingeru Etxegarai eta Martxel Salgado (Bera) 14
Partidak bi zati izan zituen. Lehenbizikoan Etxegarai eta Salgadok dominatu zuten eta bortz tantuz aitzinetik izan iren, baina azkenean buelta eman zioten Iratzoki anaiek.
Umeak A
Aimar Otxandorena eta Amaiur Martinez (Lesaka), 12 – Ander Pagola (Bera) eta Beñat Bertiz (Hendaia), 18
Goizeko partida onena izan zen. Irabazleak hasieratik lau tantu aitzinetik jarri ziren, baina bi bikoteek borroka polita erakutsi zuten partida osoan, tantu ederrak eskainiz.
Kimuak
Imanol Aranibar eta Andde Maritorena (Bera), 11 – Beñat Etxabide eta Oier Orbegozo (Lesaka), 18
Espero baino errazago irabazi zuten lesakarrek eta Orbegozo izan zen partidako pilotari onena.
Haurrak
Unai Llucia eta Jon Pagola (Bera), 17 – Unax Villamea (Bera) eta Iker Etxebeste (Irun), 18
Markagailuak erakusten duen bezala, partida hagitz parekatua izan zen. Edozeinek irabaz zezakeen, bi bikoteek min egin zuten sakearekin eta tantu aunitz hala izan ziren.
Txapelketan parte hartu duten pilotari guztiek oroigarria jaso zuten eta txapelak eta garaikurrak banatzeko, Ander Errandonea eta IñigoMartinez Berako pilotariak izan ziren.
