Zikiro jatea eginen da abuztuaren 13an eta txartelak uztailaren 31ra arte eros daitezke, 25 eurotan
Arantzako Udaleko Kultura Batzordeko kideak buru-belarri dabiltza Amabirjin bestak antolatzen. Asteburua probeste aldera, aurten bestak larunbatarekin hasiko dira. Abuztuaren 13ko eguerdian botako den txupinazoarekin hasiko dira eta 16an bukatuko dira.
Joan den urtean bezala, herri bazkaria lehenbiziko egunean eginen da, abuztuaren 13an. Gainera, aldi honetan, zikiro jatea izanen da eta zikiro jaterako txartelak salgai paratu dituzte herriko ostatuetan. Uztailaren 31ra arte erosten ahal izanen dira, 25 eurotan.