Bi autok istripua izan zuten atzo eguerdian, 12:12an, Endarlatsan, N-121-A errepideko 67. kilometroan. Kolpearen ondorioz, pertsona batek pronostiko erreserbatuko zauriak izan zituen, eta Irungo ospitalera eraman zuten saihets haustura baztertzeko. Bertze bi lagun ere zauritu ziren istripuan, baina ez zuten zauri haundirik izan eta ez zuten ospitalera joateko beharrik izan.
Ezbeharraren ondorioz, errepidea itxita gelditu zen bi norantzatan, eta garabiak bi autoetako bat erretiratu ondotik, txandakako pasabida ireki zuten. 16:15 aldera zabalik gelditu zen errepidea bi norantzatan.