Otsail hondarrean, Xaloa, Xorroxin eta TTIPI-TTAPAren aldeko mus txapelketa egin zen Ekaitza Elkartean. Negu gorriko eguraldia zen... baina eguraldia ez zen oztopo izan. Elkarteko bazkideek dena prestatu zuten eta zazpi bikotek txapelketan parte hartu zuten. Irabazleak, Felix Iparragirre eta Migel Mari Alzuri izan ziren eta bildotxa eta botil ardoak eraman zituzten etxera; azpi txapeldunak Fermin Etxeberria eta Jesus Mitxelena izan ziren, bi oilasko eta bi botil ardo opari hartuz.
Beraz, Felix eta Migel Marik datorren apirilaren 6an, Sunbillako Ulibeltzak elkartean eginen den finalerako txartela lortu dute. Zorionak eta suerte on finalean!
Bidenabar, hiru komunikabideen izenean, eskerrik asko Ekaitza elkarteari eta partaideei.