Urteko diru sarrera eta irteerak zehaztu ditu Udalak, eta hasierako onarpena ere eman dio 3.219.071,11ko aurrekontuari. Abenduaren 22an egin zuten bozketa, eta aldeko bortz boto (Aralar eta EAJ) eta aurkako bertze bortz (Bildu eta UPN) izan ziren. Alkatearen kalitateko botoarekin aitzinera atera zen.
Inbertsioen sailean, zatirik haundienetako bat baso landaketara bideratuko da, 90.605,78 euro; Lesaka-Bera arteko ur-honiduraren proiektuaren bigarren faserako 80.000 euro aurreikusi dira; Kaxernako urbanizaziorako 66.561,29 euro joanen dira, hilerriko lanetan 54.265,18 euro eta abeltzaintzako azpiegiturak hobetzeko 41.359,47 euro.
Kopuru ttikiagoa izanen dute inbertsio hauek: Legia karrikako zolaketa 22.000 euro; udaletxeko ekipamendua 15.000 euro; katastroa berrikustea 8.760,32 euro, liburutegia hornitzea 3.000 euro, suhiltzaileen parke ondoko urbanizazioa 2.500 euro eta udal eraikinetako argiztapenaren azterketa (2.500 euro).
Espedientea jendaurrean egonen da hilabete honetan.