Aspaldi samarreko proiektua da Eskol-zar moldatzea. XVIII mendearen azken aldera arte Herriko Etxea hartu zuen eta bertara eraman nahi da berriz ere. Kontua da bitan saiatu dela Udala moldatzeko lanak enkantean ematen eta bitan eman gabe gelditu direla. Lehenbizikoan ez zen eskaintza bakar bat ere hartu eta bigarrenean aurkeztutako enpresa bakarrak ez zituen eskatzen ziren baldintza guziak betetzen. Martxoaren 3ko bilkuran hirugarren deialdia egitea erabaki zuten, baldintzetan zenbait aldaketa eginda.