Izen ematea debalde da eta apuntatzeko azken eguna, aipatu bezala, apirilaren 15a, astelehena. Herriko dendan paratua dute horretarako zerrenda. Bikoteak zozketa eginez erabakiko dituzte.
Zerbait berritzailea antolatzeko asmoz hasi ziren frontenis txapelketa egiten Narbarten, herrian afizio handia baitago, eta dagoeneko laugarren ediziora ailegatu dira. Aldi honetan ere, giroa nabaria da Narbarteko plazan, ttiki nahiz haundi, noiznahi dago plazan norbait pilota eta erraketa eskuan entrenatzen eta ongi pasatzen.