Sinopsia
Nobelan ageri den protagonista Euskal Herriko herrialde guztietan gaindi dabil, «Getxon hasi, oraindik jatorrizko hizkera gordetzen duen Bizkaiko herria, mendebalderenean kokatua, eta Eskiulan bukatu, Euskal Herritik kanpoko herri euskalduna, Biarno aldean».
Saiakera nobelatu honen xedea eguraldiaren inguruko hitzak eta esapideak erakustea, azaltzea eta irakastea da, baina badu baita eleberritik, kontakizunetik ere. Fikziozko eta benetako pertsonaiak bidaia osoan, han-hemenka, agertzen dira. Diegezentzak «hunkigarriena liburua hasieratik amaitu arte irakurtzea da, baina irakurleak aukeran du zuzen-zuzenean herri edo eskualde batera jotzea, zein ele erabiltzen diren ikasteko, edota bidaian barrena agerturiko hitz guztien aurkibideaz baliatu, non erabiltzen diren begiratu eta testuingurua irakurtzeko».