Joan den urtean Beartzunen hasi bazituzten inauteak, aurten alderantziz: ortziralean 09:00etan gelditu ziren gosaltzeko Antzanbordan. 20 bat gazte elkartu ziren eta 10 baserri ingurutatik ibili ziren Arizkungo trikitixa eta pandereta bikotearekin: Markel Adin eta Mirian Martin. Biharamunean Beartzunen izan zuten ibilbidea. Goizean Etxeberrian gelditu ziren gosaltzeko ohitura den gisa, eta ondotik dozena bat baserritan izan zuten edan, kantu eta dantza egiteko aukera.
Berroko eta Beartzungo gazteek bihotzez eskertu nahi diegu etxe guziei beren ateak irekitzeagatik eta haien denbora eskaintzeagatik. Dantza eta irri artean gazteak bertakoaz gehiago aberasten gara, eta gurea gehiago maitatzea ekartzen digu. Gora gure auzoa, but-but!