Larunbat goizeko ekitaldiak hasteko txalaparta eta aurreskua izan zuten, Jo ala Jo taldearen eskutik. Sagardantza ere dantzatu zuten talde honetako kideek. Ondotik, kalejira izan zuten Iturengo hamar joaldun eta Jo ala Jo taldeko txistulariekin. Segidan, eskola irekiera egin zuten Baztango dantzariek. Argazki erakusketa eta bisita gidatuak ere izan zituzten eskolan eta garai bateko ikasle, irakasle eta langileek gustura ikusi zituzten gazte denborako argazkiak. Eguerdian pilota partida jokatu zuten eta ondotik Gaztelu abesbatzaren emanaldia. Gaur egungo ikasleek zerbitzatu zuten bazkarian 180 bat lagun elkartu ziren eta bazkalondoan segitu zuen musikak eta besta giroak.
