erran.eus

Begoña Sanzberro (UPN): «Aurrekontuei bigarren aukera eman nahi izan diegu»

  Politika  Baztan

Begoña Sanzberrok Xorroxin irratiari eskainitako elkarrizketan adierazi du, «aurrekontuak ez zituztela onartu gobernu taldeak oztopoak bertzerik ez lituzkeelako jarriko horiek aitzinera eramateko».

EH Bilduk eta Baztango Ezkerrak aurkeztutako aurrekontuak lantzeko «denbora falta» ere salatu du publikoki Begoña Sanzberrok

Begoña Sanzberro (UPN): «Aurrekontuei bigarren aukera eman nahi izan diegu»
Begoña Sanzberro, Baztango Udaleko UPNko zinegotzia | Ikusi handiago | Argazki originala

Joan den apirilaren 28an Baztango Udaleko osoko bilkura burutu zen eta aurrekontuek kalapita sortu zuten. EH Bilduk eta Baztango Ezkerrak osatzen duten gobernu taldeak aurrekontuak aurkeztu ondotik, zuzenketak elkarrekin mahai gaineratu zituzten UPNk, Geroa Baik eta Baztan Auzolanean-ek.

Emendakina onartu ondotik baina, aurrekontuen kontra bozkatu zuten Geroa Baik, Baztan Auzolanean-ek, EH Bilduk eta Baztango Ezkerrak. UPN berriz, abstenitu egin zen. Begoña Sanzberrok azaldu du,  «argi ikusi zutela udal gobernu taldeak bere esku dauden baliabide legal guztiak martxan jarriko zituela emendakinak barne zituen aurrekontu berriak aitzinera ez eramateko». UPNko zinegotziak gaineratu du, «politika hutsean sartu gabe, bigarren aukera bat beharrezkoa ikusi zutela aurrekontuak adostu ahal izateko».

 

Elkarrizketa osoa entzungai

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa