Irailaren 26an, larunbat eguerdian, Dantzari Eguna ospatuko dute Iruritako plazan, Iruritako Dantzari Elkarteak eta Kultura Batzordeak antolatuta. Egun berean, arratsaldeko 5etan Pirinioetan dantzan jaialdia eskainiko dute Arizkunen Itsaisuko Ataitze, Paueko Menesters gascons, Larraineko dantzariak, Gallartako Harrigorria eta Baztango Baztandarrak dantza taldeek. Dantza emanaldia eta ondotik dantza irekiak izanen dira nahi duen guziendako. Biharamonean, igande eguerdian Mutildantza Eguna antolatu du Jo ala Jo kultur elkarteak Elizondon. Emanaldiaren ondotik dantza irekiak izanen dira nahi duen guziendako.